भनेको नटेरेपछि कुलमानलाई साइजमा ल्याउन भएभरका अस्त्र प्रयोग गर्दै ओली

लेखा समितिले कुलमानसहित प्राधिकरणविरुद्ध राजस्व अनुसन्धानबाट पनि छानबिन गराउनुपर्ने निष्कर्ष निकालेको छ ।

‘‘कार्यकारी नेतृत्व एवम् पदाधिकारीहरूले जिम्मेवारीपूर्वक कर्तब्य निर्वाह नगरी राज्य कोषमा जम्मा हुनुपर्ने अर्बौँ रकम हालसम्म पनि प्राप्त नभएको र जोखिममा पारिएको देखिएको र राजस्व उठाउन उद्योगीहरूले माग गरे बमोजिमाको टीओडी मिटरको डाटा उपलब्ध नगराएकाले राजस्व संकलनसँग सम्बन्धित यस विषयमा भएको गम्भीर लापरबाहीको थप छानबिन गर्न राजस्व अनुसन्धान विभागलाई निर्देशन दिन उपयुक्त देखिन्छ’, समितिको प्रतिवेदनमा भनिएको छ ।

समितिले प्रधिकारणका जिम्मेवार पदाधिकारीले आफ्नो पद र ओहदा अनुसारको कार्य समयमा नगरि लापरबाही गरेको, समय बित्दै जाँदा विषय वस्तुलाई अन्यत्र मोड्ने गरि प्रचार गरेको, आन्तरिक छानबिन गरि दोषी उपर कारबाहीको प्रक्रिया नगरेको , आफ्ना ग्राहकहरूले माग गरे बमोजिमको थप महशुलसम्बन्धी कागजात उपलब्ध नगराएको पनि जनाएको छ ।

यस सम्बन्धमा विस्तृत अध्ययन गर्न अख्तियार दुरुपयोग अनुसन्धान आयोगलाई निर्देशन दिन उपयुक्त हुने’, समितिले भनेको छ।