काठमाडौं। राष्ट्रियसभाको उप–निर्वाचन आगामी माघ २५ गते हुने भएको छ।
बिहीबार बसेको मन्त्रिपरिषद्को बैठकले राष्ट्रिय सभाको उपनिर्वाचनको मिति तय गरेको एक मन्त्रीले जानकारी दिए । बैठकले राष्ट्रिय सभाको रिक्त स्थानमा माघ २५ गते निर्वाचन गर्ने निर्णय गरेको उनको भनाइ छ ।
लुम्बिनी प्रदेशबाट निर्वाचित खिमलाल भट्टराईले प्रतिनिधिसभा सदस्य निर्वाचनअघि राजीनामा दिएपछि एक ठाउँ रिक्त भएको थियो।
उक्त रिक्त ठाउँमा निर्वाचन हुन लागेको हो।
